مافي شي اسمه انسان فاشل ولا عمره حيكون فيه شي زي هكي،بس فيه شي اسمه انك استغليت مواهبك وابداعاتك في غير مكانها أو بيئة غير مناسبة، وطبعا مع رشة سلبية وتحطيم معنويات تلقى نفسك في خانة الفشلة بس كل المعطيات تقول إن الإنسان أذكى كائنات هذا الكون وان العقل الي ميزه بيه الله تعالى هو أعظم جهاز معالج في الكون لذلك ارتاح عزيزي وما تسمع لاي حد يقولك انك فاشل وغير مبدع او ماليك لزمه ممكن موهبتك تحتاج لضربة حظ أو صدفة عشان تطلع للنور زي ماصار مع احد الطهاة البلجيكيين في سنة 1830 وكان بالنسبه ليه يوم شغل عادي لحد ماصار خطأ غير حياته فبدل أن يحط البطاطا في طنجرة الطبخ حطها في إناء زيت ووقت حس ان صارت خرطة في الموضوع خاف وحاول يخفي اثار جريمته ويرمي البطاطا بس فجأه شم ريحه حلوة جاية اناء الزيت وقرر أن يقدمها للزبائن ولما سألوه عليها قالهم بكل فخر (ولا كأنه من شوي كان هيموت من الخوف)، بطاطس محمرة او pommes frite وكانت ثورة في عالم الطبخ لحد اليوم، ممكن مع عملك وشغلك تبتكر شي ماكان ببالك.، زي ماصار مع شركة فايزر التي كانت تقوم بأبحاث لاكتشاف دواء لمرضى القلب ولما تم تجريب الدواء على المرضى مانجح معاهم وأصيب الشركة بخيبت امل لحد بعد التجارب بيومين اتصلوا المرضى يستفسرون عن اعراض جانبيه صارت لهم وهي انتصاب كامل للجهاز التناسلي لدرجه ان فيه اثنين من الحالات كانو يعانو من عدم الانتصاب ولكن بعد الاعراض الجانبية للتجارب تعالجوا يعني الدواء بدل مايشفي القلب شفا شي تاني 😂😂 وعلى طول الشركة استدركت الأمر وقامت بتجارب على 4000 مريض بضعف الانتصاب وفعلا نجح معاهم الدواء وتم إطلاق أول منشط جنسي تحت اسم فياغرا ، ممكن تكون موهبتك بدايتها بسيطه وعاديه بس بشغلك عليها وتطويرها حتوصل بها للعالمية ، زي ماصار مع الإعلامي الساخر باسم يوسف ،باسم يوسف ابتدأ مشواره قناة على اليوتيوب بعد الثورة المصرية وكان مستغل ركن في شقته يصور منه في حلقات برنامجه طبعا لو حد شاف باسم يوسف في ذلك الوقت ماكان يراهن على نجاحه ،يعني بادئ في قناة يوتيوب وفي 1000 إعلامي ساخر غيره وأقدم منه ،ايش كانت فرص النجاح لباسم يوسف في ذلك الوقت ، بس بجهده وتطوير لموهبته اليوم باسم يوسف معروف على مستوى العالم وبشهادة مقدم البرامج الساخر جون ستيوارت، في بعض الأوقات تأملك لأخطائك والتعلم منها سبب كبير وأساسي لنجاحك، زي ماصار مع بيرسي سبينسر مخترع الميكروويف، كان المهندس بيرسي يجري ابحاث عن جهاز رادار يعمل بواسطة انبوبة تفريخ كهرومغناطيسي واثناء تجربة الجهاز فشل وما حقق المطلوب فجلس السيد سبينسر يراجع في اخطائه وكان بيجيبه لوح شكولاطه حط ايده لياخده لقى الشكولاطه مصهور تماما 👌 وبعد تحليل الحادثه وتكرار التجربة علئ اللحوم والخضروات توصل لجهاز الميكروويف، وكان تاريخ 8 اكتوبر 1945 بداية انطلاق ثورة في عالم الاجهزة الكهربائية باول جهاز مايكرويف، بعض علماء النفس يقولو ان نجاح الانسان مرتبط بمواجهة عيوبه وتصليحها، الشي هذا اثبته العالم البرت هوفمان اثناء تجاربه علئ حمض اللجيستريك ولانه كان متعاطي كان البرت يتعاطئ الحمض لمدة 5 سنوات، يعني مدمن قديم وخبرة، لحد مابيوم اثناء تجاربه اصيب بضيق بتنفس وصار يشوف اللوان وهلاوس ولان كان عارف الاسباب قرر البرت يوقف ادمانه وتعاطيه عشان بس يكتشف خصائص هذا الحمض وفعلا البرت اكتشف اول عقار مهلوس المعروف lsd, دماغ مدمنين يامعلم، وفي بعض الاوقات الحظ او الحياة ترميلك فرصة لعند رجليك لو شاطر تعرف كيف تستغلها، نوح ماكفير صار معاه موقف وابتسم له الحظ على غفله ليغير حياته نوح في سنة 1930 اخترع الصلصال ولكن كان للتنظيف،لحد ما يوم في مدرسة كاي دوفال للاطفال تفاجأت المعلمة باحد الاطفال وعنده واحدة من هذه الصلاصل ويلعب بيها ومستمتع وبدأت المعلمة تشكل له أشكال بها وعند وصول الخبر لنوح قرر يستغل الفرصة وبدأ بتشكيل الصلصال بالألوان والأشكال الرائعة للاطفال لتصبح حتى اليوم جزء من حياتنا والعاب اطفالنا،احيانا لازم تصر علئ تحقيق حلمك وإبراز موهبتك وتعاند تعااااااند تعاااااااااااااااااااند لابعد حد زي الممثل سيلفسترستالون الي فشل في كل وظيفة تحصل عليها حتئ في التمثيل بالافلام الاباحية واضطر ان يترك شقته ويبيع كلبه وعاش مع صاحبه وأخطرت بباله كتابة سيناريو فيلم روكي وبعد انتهائه من الكتابة اخذ بعرض السيناريو للشركات الانتاج وكلها رفضت وطردته لحد مااحد الشركات وافقت علئ انتاجه وعرضه بيسنما شعبيه، قرر ستالون ان يقوم بدور البطولة بالمجان، واليوم سلسلة افلام روكي تعتبر من التاريخ والثقافة الامريكية واخرها كان كريد.

زي ماشفت كل انسان موهوب ومبدع في شي بس محتاج لدفع عشان تطلع موهبته او البيئة المناسبة الي يستغل فيها إبداعه وما تخلي حد مهما كان يوصفك بالفشل ويحطم معنوياتك لأن بداخل كل واحد فينا انسان ناجح.